ناوى تعمل ايه يوم 20 نوفمبر ؟

ناوى تعمل ايه يوم 20 نوفمبر ؟

طب انت عارف الأول ايه اليوم ده ؟!!!

فاكر ولا نسيت ؟!!!!

20 نوفمبر يبقى عيد الطفوله

ياريت محدش يتهمنى بالجنون او الهبل بالعكس انا عاقله جدا ومتعلمه جداً جداً

 ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥

ليه محدش بقى فاكر اليوم ده ؟!!!!!!!!

كنا زمان اوى واحنا صغيرين كنا نلاقى طول اليوم اغانى اطفال ، والتليفزيون بيحتفل بالأطفال وكمان كانوا بيعملوا حفلات وإستعراضات زى صفاء أبو السعود ولبلبه وعبد المنعم مدبولى

كانت المدارس بتعمل حفله فى اليوم ده وكلنا كنا بنستنى الحفله دى من السنه للسنه ، صحيح دلوقتى فى حفلات فى المدارس ولكن تحصيل حاصل فى معظم المدارس وخصوصا الحكوميه منها

ليه اليوم ده نسيناه اوى كده ؟؟

طب حتى لو هما نسيوه ليه انت مش فاكره ؟

 

 ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥

انا بطلب من كل اب وكل ام فى اليوم ده يقدموا ولو ورده لطفلهم فى اليوم ده ، ورده بس ، هتفرق معاكم فى ايه ؟ لكن هتفرق مع طفلكم كتير

 ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥

طب لو طفلك بيحب أكله ماتعملهاله فى اليوم ده ؟

طب لو طفلك بقاله فتره بيلح عليك انه يتفسح او يروح مكان معين طب ماتوديه فى اليوم ده ؟

انا بستغرب اوى من اب أو من ام بيضربوا طفلهم والأطفال اصلا نعمه غيرهم محروم منها
انا مش بطلب حاجه كبيره ومش بقول نتبرع لاى مركز من مراكز علاج الأطفال أو نعمل زياره لأى ملجأ أطفال ، لأن ماينفعش نعامل أطفال مانعرفهومش معامله كويسه والاطفال اللى معانا فى البيت مش بنهتم بيهم
أنا بتمنى من كل أب وكل أم ، وكل خال أو عم أو خاله أو عمه أنهم يقدموا ورده بسيطه أوى لطفلهم فى اليوم ده