رسالة طفل

ماما .....
فاكره اول ما عرفتى انك حامل فيا ؟
بابا ...
فاكر لما عرفت ان ماما حامل ؟
فاكرين حسيتوا بإيه ؟
فاكرين لحظة الفرحه- لحظة الدموع- لحظة الشكر: انى خلاص كلها كام شهر وهأجى ....
طب فاكره يا ماما لما كنتى بتحسى بيا بتحرك فى اعماق احشائك ؟
فاكر يابابا يوم ميلادى ؟
فاكر يوم ما شيلتنى وحضنتنى وسمتنى ؟
فاكره ياماما يوم السبوع ؟
فاكر يابابا اول مره اقول كلمة بابا ؟
فاكره ياماما اول مره اقول كلمة ماما ؟
فاكرين انتم الإثنين أول مره أزحف- أول مره أمشي- أول مره أضحك ؟
فاكرين يوم ما بدأت أتكلم ؟
فاكرين أول يوم ليا فى الحضانه ؟
فاكرين أول يوم ليا فى المدرسه ؟
فاكرين يوم ما فرحتكم يوم نتيجة الثانويه العامه ؟
فاكرين أول يوم ليا فى الجامعه ؟
فاكرين يوم تخرجى من الجامعه ؟
فاكرين اول يوم ليا فى الشغل ؟
فاكر يابابا لما قولتلك انى بحب بنت وعاوزك تيجى معايا ونتقدم لأهلها ؟
فاكره ياماما لما قولتلك انى باحب واحد وهيجى هو واهله يزورونا قريب ؟
طب فاكرين يوم فرحى ؟
فاكرينى وانا فى الكوشه ؟
فاكرين لما بقيت أب ؟
فاكرين لما بقيت أم ؟
................................
فاكرين كل اللحظات الحلوه دى كلها ... يعنى انا كنت السبب فى كتير من اوقات فرح ليكم .... واكيد طبعا كان فى اوقات تانيه زعلتكم فيها وكنت سبب زعلكم بس ده ماكنش غلطى لوحدى انتم اللى ماكنتوش فاهمنى وساعات كنتم بتضربونى وكتير كنتم بتهينونى ودايما كنت باحس انكم مراقبينى . كنت اتمنى انكم تفهمونى وتعاملونى احسن من كدا شويه ده انا كنت سبب فرحكم من قبل حتى ما اجى الدنيا ......
...................................
كان هذا ملخص لحياة طفل أو طفله وملخص لرساله صغيره لوالدهم ووالدتهم وحتى لا يأتى اليوم الذى يقول لك طفلك هذا الكلام ... وحتى نزيد من لحظات الفرح ونقلل من لحظات الحزن بينك وبين طفلك .... من اجل رعاية أفضل لأبنائنا ... تم إنشاء هذا المدونه من قبل متخصصين فى تربية الطفل ونحن مستعدون لإستقبال أسئلتكم وإستفساراتكم عن رعاية وتربية الطفل وسوف نقوم بعرضها والإجابه عليها كما سنقوم بعمل الكثير من المسابقات للأطفال وسنقوم ايضا من خلال المدونه بتعليم الاطفال العديد من الدروس وسيكون هناك أيضا ألعاب وبرامج رسم وأغانى للأطفال ...
هذه المدونه من اجل :
الطفل
الام
الأب
معلمة رياض الاطفال
الدارسون والمختصون فى مجال الطفل والطفوله
الأسره التى يعيش معها الطفل
هذه المدونه من اجلكم جميعا فساهم فى نجاحها قدر إستطاعتك